Te Tiititem n Tau-rekooti ae Boou Ibukin te Ekaretia ni Kaitibong i Kiribati

Te Tiititem n Tau-rekooti ae Boou Ibukin te Ekaretia ni Kaitibong i KiribatiMaati 1, 2025

E waakinaki n te bong aei n Aobitin te Aro ni Kaitibong i Tarawa te reirei iaon aron kabonganaan te Bwai n Tau-rekooti ae boou ae te Adventist Church Management System (ACMS), are e a kabutaki ngkai nakon Aban Tebetebeke.

E wakinaki te reirei aei iroun Pastor Adrian, ao n iraki irouia e raka iaon uangaun kaain te aro, n aroia Mitianre, Kiraaka n Ekaretia ao taani kairiri riki n te Ekaretia tabeman. E kabwarabwara Pastor Adrian ae te bwai n tau-rekooti ae boou aei e a onea ngkai mwiin booki n tau-rekooti n te ekaretia, n anga te kawai ae e a rang nakoraoi riki ibukin tararuaan ana waaki te ekaretia.

E iangoaki te tiititem aei bwa e na kabebetea ana waaki te ekaretia, ao anganiia mitinare ma kiraaka n ekaretia e kona n tararuai aia ware n aron rekooti iaon mwaitiia kaain te aro, te kaibibiti, ao te babetito. E katuruturua Pastor Adrian aron ana mwakuri te tiititem aei ni kaurerekea uotaia taan tararua, e kabaitiia riki te mwakuri, ao e anganiia taani kairiri n ekaretia te kona ni karekei rongorongo aika etiruru ao ni boou ti man kotean bwatin tabeua iaon te kombiuta.

A kaota ungan nanoia taan ira te reirei ao n taku bwa e rang tikiraoi te tiitem aei wba e aki kakua ao e kaurerekea reken te kairua n te rekooti. E a tia ni kabonganaaki te tiititem ae te ACMS iaon Aotiteria ma Nutiran inanon aua te ririki ao e a karababaaki ngkainakon union ma mition n Tebetebeke.

A kakoaua taani kaririri n ekaretia ae e na rang etiruru raoi te tau-rekooti n te tiititem aei ao e a katamaroa riki ana mwakuri te mitinare. E kamwakuraki te tiititem aei iaon te intanete ao bon te mwaneka ae rang n tamaroa ibukin kabouaan ana waaki te ekaretia ao katamaroaan te tararua irouia kaain te ekaretia n Tebetebeke ao te aonnaba.

New Adventist Church Management System Introduced to Kiribati

Adventist Church Management System (ACMS) introduced to Kiribati March 2, 2025

A training workshop was held today at the Kiribati SDA Mission to introduce the new Adventist Church Management System (ACMS), which has now been rolled out across the Pacific.

The training, led by Pastor Adrian, was attended by more than 20 participants, including church ministers, clerks, and other church leaders. Pastor Adrian explained that the ACMS replaces the traditional hand-written record books, offering a more efficient way to manage church operations.

Designed to streamline church administration, the system allows pastors and clerks to easily manage key data such as membership records, transfers, and baptisms. Pastor Adrian emphasized how the ACMS will reduce administrative burdens, improve efficiency, and enable church leaders to access accurate, up-to-date information with just a few clicks.

Participants expressed enthusiasm about the system’s ability to save time and reduce errors in record-keeping. The ACMS has already been in use in Australia and New Zealand for the past four years, and it is now being expanded to other missions across the Pacific, with further adoption planned.

Church leaders are optimistic that this digital system will enhance the management of church data, improving ministry and outreach efforts. The new platform represents a significant step forward in modernizing church operations and improving service to congregations both in the Pacific region and worldwide.

A mwaiti Buokaia Ainen te Aro ni Kaitibong i Kiribati man kanoan te Bwabwaro are karaoaki i Aotiteria...

A mwaiti buokaia Ainen te Aro ni Kaitibong i Kiribati man kanoan te Bwabwaro are karaoaki i Aotiteria.

Avondale University, Australia – 17-20 Beberuare 2025

E iraki te Bwabwaro aei iroun Nei Raaita Ruata, te Taerekita ibukia Ainen te Aro ni Kaitibong n te Kiribati Mission, ao e karaoaki n te Kuura ae Rietata ae Avondale Univedrsity.

E raka iaon 100 mwaitiia aine aika taani kairiri ibukia aine ao ataei man te Aro ni Kaitibong n te aono ae Tebetebeke Maiaki ake a ira te bwabwaro aei are waaki man Beberuare 17-20, ma te botonniango ae te konabwai n tokanikai iaon kanganga, te aro ni kairiri, ao te weteaki.

Anga aia maroro taani kaira te bwabwaro aika mwaatai iaon aron te tokanikai iaon kanganga ake a rekereke ma aron te mwakuri ibukia aine ao ataei ao te aro ni kairiri.

E moanaki te maroro iroun Dr. Hyveth Williams, ae te Professor n te Rabakau ni Kabwarabwara man te SDA Theological Seminary, are i Andrews University, ao are e kabwaranakoa te botonniango iaon "te kona n tokanikai iaon kanganga n te Mwakuri," ao e katuua te korakora ae tangiraki ibukin rinanoan baika tangiraki n te mwakuri ni kairiri n te aro.

E reitia Piroska Vranyakne Feith, ae te Minita n te Aro ao te Kauoman Tia Koroboki ni mwakoron te Aro ni Kaitibong n te Victorian Conference, ma taekan "Te Auti ni Kataneiai te Kairiri," ao e anga bwaai ni mwakuri ma kawai ibukin te waaki ni kairiri ae nakoraoi.

E rimwiia nako Dr. Tara Vin Cross, ae te Senior Pastor n te Azune Hills SDA Church iaon South East California, n anga te maroro iaon te "Weteaki ae Nano," are e a kaungaia aine bwa a na karaoi aia beku ma te nano-ni-koaua ao te motinnano.

E waakinaki te bwabwaro aei bwa e na kaunga te nano ni koaua ao ni kakorakoraia aine wba a na urui oo-n-tutuuki ao ni irakea riki aia waaki ni mitinare. E reke naba aia tai aine n rinanon waaki n reirei ke workshops ao aron te networking, ao n anganaki bwaai ni mwakuri ibukin bitakin aia waaki ni kairiri ao n anga mwiin aia mwakuri ae a a korakora riki n aia kaawa nako.

E taku Raaita bwa anganaki n te bwabwaro aei aia tai ni karikirakei rabakauia ni kairiri, ao ni kakorakora riki aia onimaki, ao n reitaki ma aomata ae a kaai n titebo aroia ma ngaiia iaon Tebetebeke Maiaki.

E rang kakawaki te bwabwaro aei ngkai e mwaakena te tai ibukin karikirakeaia aine inanon aia mwakuri ni mitinare, ngkai a reita nako katean te kairiri ae korakora inanon te ekaretia aoa re itinanikuna.

Nei Raaita bon te tia reirei ngaia n nakoana ma e a tia n rineaki bwa te Taerekita n Aia botaki Aine ma Ataei inanon te Kiribati SDA Mission.