Bwanin te Kataneiai n Reirei Iranikai ni Kamanomano nakoia Bureitiman

BETIO TARAWA - Kiribati Police Service

E kanikinaeaki banen te kataneiai n reirei nakoia bureitiman iaon kabonganaan iranikai ni kamanomano inanon tain te kanganga n aia mwakuri are rekereke ma kabonganaan te koin ma bwaai ni kabaebai ma te angabeebwa.

E kairaki te kataneiai aio iroun te Australian Federal Police man Maati

31 Ni karokoa Eberi 11, 2025. E rang kakawaki te kataneiai aei nakon te Botaki ni Bureitiman iaon Kiribati ibukin tararuaakin te rau ao kamanoaia bureitiman inanon aia tai ni mwakuri.

Iai te kantaninga bwa e na iai riki rakan te tamaroa ao te rikirake n aia mwakuri bureitiman imwiin irakin te kataneiai aio irouia bureitiman ibukin tararuaakin te rau ao ai bon irakin nanon kainibaaire ma tuua irouia te botannaomata.

E anga ana kaaitau te Botaki ni Bureitiman nakon te Australian Federal Police inanon tain te Angabeebwa ao ni katerea nanona ni kan reita nako riki te reitaki ibukin te reirei n aron aei nakon taai aika na roko ibukin buokan kamatoaan te tua ae tamaroa nakoia te botannaomata iaon Kiribati.