Reitinako te Burokuraem ni Kaitiaki ibukin te Marurung

E Reitinako te Buraokuraem ibukin te Marurung irouia kaain te Kiribati SDA Mission

Maati 4, 2025

E waakinako te burokuraem ibukin te marurung irouia kaain te Kiribati SDA Mission iaon Korobu, Tarawa, ngkai e a roko n te kauoua ni bong ngkai n te burokuraem ae tenibong bongina.

Te burokuraem aei are e kairaki iroun George Kwong, te Health Director man te Trans Pacific Union, ni buokaki iroun Teera Katarake ma ana health team, e a tia n aki motirawa ngkai e a kaman uti ni katauraoi te tiim imwaain te ngaina ni katoabong.

E ngae n anne ao a kaman utinako n nakonako kaain te burokuraem ibukin kanoan te bong aiot.

E a tia te burokuraem aei ae boboto iaon kaitiakan te rabwata ao te marurung ni kaewenakoia taani burokuraem bwa a nang kang amwarake aika nako man te kai ao ni n aki kana moa te ika ma te raiti are a rang tatangiria, ao n onea mwiina n te mooi-ran, ranin uaanikai ma baanikai, ao ai amwarake aika nako man te kai.

E ngae ngke a rinanon te bitaki ni kanaia, ma a kamatoai nanoia taani burokuraem ibukin raoiroina ake a kona n reke irouia.

Tutuo ibukin te Tioka

A waaki taani kaira te burokuraem aika Kwong ma Teera ni mwakuri bwa e na nakoraoi te burokuraem. E noraki te burokuraem ni kaitiaki aei bwa e karika te bitaki nakoia ake a iria, ao iai ae a taku bwa iai te bitaki ae a namakinna imwiin aia moanibong.

Ngkai e reitinako te burokuraem, ao a teimatoa taani kaira te burokuraem ni boutokaia taani burokuraem inanon bitakin kanaia ao ni kaungaia ibukin kakawakin te marurung ae teimaan.

Ngkai ai bon ti teuana riki te bong, ao e na reitinako te burokuraem ni kaungaia taani mwakuri n te aro bwa a na kamoanibwaia marurungiia ao n taua anuan maiuia aika boou aikai bwa e na anganiia te marurung inanon ririki aika bati aika na roko.