Roko n Tokina te Burokuraem ni Kamarurung Ibukin te Mition.

Roko n Tokina ae Nakoraoi te Burokuraem ni Kamarurung irouia Kaain te Kiribati Mission

Maati 5, 2025 – Korobu, Tarawa

E a roko n ana kaitira ni bong te Burokuraem ni Kamarurung ibukia taani mwakuri n te Kiribati SDA Mission. A mwaiti ae a taekina te keerake ni marurungiia, riki ni mwiin aia tutuo, ngkai e a roko n tokina te burokuraem.

E tibwa ana namakin temanna ibuakoia taan ira te burokuraem ae Mr. Vai Tafusi ao e taku bwa e boni matoatoa moan boong ake uoua irouna riki n te amwarake ae boou.

E ngae n anne, ao n te kateniua ni bong, ao e taku wba e a namakina te marurung ao ni korakora riki. "E boni matoa n te moantai," E taku Vai, "ma n te tai aei, I a namakina te bitaki. I a korakora ao ni marurung riki. Ao I a tia ni kabwaka tiokau man 19 are I bo taneiai iai nakon 12 n te kateniua ni bong aei."

Te burokoraem aei, are e katuuaki iaon te kaitiaki, te amwarake ae kamarurung, ao waaki aika kamarurung, bon iai mwiina nakoia taani burokuraem, ao a kantaningaia bwa e na reitinako iaon ti tenibong. A mwaiti ae a rang kan reitanako te waaki ae kamarurung aei inanoni maiuia.

Ngkai e a bane te bong, ao a tiku taani burokuraem ma te atatai ae e a bubura riki ibukin marurungiia.

E na karaoaki te katekeraoi n te tairiki aei nakon George Kwong imwaaina e okira Biiti nakon te ingabong.