Tabe Ni Bobonga Te Karikirake ae Te Kiritimati Island Fisheries Limited

Ambo Tarawa, 5 maati, 2025

E a moanna ni bobonga riki te Karikirake iaon te Ika ae te Kiritimati Island Fisheries Limited, are a kaai ni bwaibwai iai te Tautaeka ni Kiribati ma Tiaina, ma noran ebaeba ni beti imaeaon te tabo aei.

E mena te ebaeba aei ni kaitara ma te Autintei are i Ambo, ao are e mwaakena naba te mwaneka ae kakawaki inanon waeraken te karikirake aei.

E taku te Manatia n te Karikirake aei ae Lianghua Zhu bwa e tuai rang mwaiti ana karekemwane te karikirake ngkai e mena moa ngkai n te mwaneka ni baronga ao ni kabanemwane are e boboto iaon karikirakean ika aika te baneawa ao te ikanibong, are bon iika aika rang tatangiraki n te mwaakete.

E riaon 100 mwaitiia taani mwakuri n te karikirake aei ao a mwakuri man te aoa waniua n te ingabong ni karokoa te aoa nimaua n te bwakantaai ni katoabong.

E taku Zhu bwa a kakarekea aia ika man te Ministry of Fisheries and Marine Resources Development (MFMRD) ao ai taan akawa mai Tarawa Ieta.

Iai ana kanganga moa te kambwana ibukin kaitaraan tangiran te baneawa, ibukina wba e karako aia tabo ni karikirakei baneawa.

N te tai aei ao bon ti teniua ana tabo ni kaikawai baneawa bwa teuana ana nei bon i Ambo, ao iai uoua riki i maeaon Taborio ao te kateniua irarikin te Abanuea.

N te tai aei ao a kakabonakoa te boota ni mwaiti n rawawata ae 70 te kirokuraem te baneawa ni katoabong, n te boo ae $8 n te kirokuraem.

E boni ngae ngke e uarereke are a kakarekea ngkai, ma iai te rikirake ae noraki. N te tai are e a mwaiti riki te ika n reke ao e kantaningaaki wba e nang waerake riki te karekemwane ni katoa ririki.

E ngae n anne ao e teimatoa te karikirake aei ni karekea te mwakuri nakoia kaain Kiribati, te amwarake te ika, ao karikirakean te kaubwai ae teimaan.