Tauraoi n ewenako Marawa Ana Kaibuke n Akawa Kiribati ae Boou ae Maribo 61

BETIO, TARAWA - Eberi 9, 2025.

E nang tauraoi Kiribati ni bon akawa kaubwain ana marawa imwiin rokon ana kaibuke n akawa ae boou ae te MARIBO 61. E taku te rongorongo are e karekea Hope Radio News bwa e nakon 1,200 te tan te rawawata ni kokona ae kona n uotia te kaibuke aei.

E aranaki bwa te Maribo bwa e na katotonga ingoan arana bwa e na ewenako. ni mwamwakuri ao ni marurung ao n tatauraoi n taai nako ibukin karekean te kabwaia nakon Kiribati. E rang taubobonga naba Maribo 61 ma ana bwai ni borau.

E kairaki neweabaan te kaibuke aei iroun te Minitita n te Botaki n Akawa ae Honorable Ribanataake Awira ma kaain ana tiim. E kabaaki te kaibuke aei i Tiaina ao e bwaibwai iai te tautaeka n Kiribati rinanon aia reitaki ma kambwana ao taan bwaibwai mai Tiaina.

Te Maribo bon teuana naba mai buakon ana kaibuke te tautaeka n Kiribati rinanon te Reitaki ni Karikirake ke te Joint Venture ae a waaki ngkai iaona te Botaki n akawa. Aio ana moani kaibuke n akawa Kiribati ae rang toamau raoi n iai naba ana erikota ibukin tarataraan te waru inanoni marawa ae bubura.