Waaki te Angabwatin iaon Tarawa Teinainano ma Betio ibukin te Scabies ma te Trachoma

TARAWA, KIRIBATI - 2 April, 2025. E a tia te Botaki ni Kuakua ni moana ana kabuti-bwatin ibukin totokoan butinakon aoraki aika te scabies ao te trachoma iaon Tarawa Teinainano ma Betio. Te waaki aio a taaketenaki iai aomata ni kabane, ao oina bwa e na kauarerekea te kanganga ae kona n riki n aoraki aika rang eweewe aikai.

E kamatoa te Botaki Ni Kuakua bwa iai rinanin bwaai-n-aoraki aika uoua ibukin te aoraki ae te scabies: bwa te bwatin ibukia aomata ni kabane, ao te tangauri ae na kabiraki iai aon te kun.

Te Scabies, bon aorakin te kun, ae rang n rereke riki irouia ataei aika uarereke, riki iaon baia ma waeia. E rang kakawaki bwainaorakiana ni moantaai bwa e aonga n aki butinako.

Ibukin te Trachoma, e kona ni karekea aorakin te mata ae kona n reke iai te mataki ngkana e aki waekoa ni bwainaoraki, ao iai teniua rinanin bwainaoraki ae a na tibwatibwaaki.

Te kuriim bon ibukia ataei aika uarereke mana re tibwa bungiaki nakon nimaua namwakaina, ao te bwatin ae te ran a na anganaki ataei ae onoua namwakaina nakon itiua te ririki. Bwatin a na anganaki aomata ni kabane n aki tabe ma roroia.

E kauringiia aomata te Botaki ni Kuakua bwa a riai n amwarake imwaain nimakin aia bwatin bwa e kona n reke te maraki-ni-biroto ma te mumuta ngkana akea kanoan te biroto.

E tua naba te Botaki ni Kuakua nakoia aomata bwa a ibuobuoki ni butimwaiia neeti ngkana a kawari mwengaia ibukin tibwatibwaan te bwatin. E rang kakawaki te moantaai n totoko ibukin te scabies ma te trachoma imwaain ae na manga butinako riki.